Навукоўцы знайшлі ў пячоры нацыянальнага парку «Секвоя» у Каліфорніі новы від мнаганожкі, у якой налічваецца 414 ног, 200 атрутных залоз і чатыры пенісы, піша ВВС.
Спецыялісты высветлілі, што новы від мнаганожак можа быць блізкі да віду Illacme plenipes, прадстаўнікі якога маюць 750 ног і лічацца самімі мнаганогімі істотамі на Зямлі.
Навукоўцы звярнулі ўвагу на незвычайную пабудову цела мнаганожкі: у прыватнасці, на 4 нагі, якія таксама выконваюць функцыю пеніса, і на спараныя адтуліны, якія выдзяляюць невядомае навуцы ахоўнае хімічнае рэчыва.
Новы від мнаганожак быў названы Illacme tobini ў гонар супрацоўніка нацыянальнага парку Бэна Тобіна. У той жа пячоры таксама былі выяўленыя недаследаваныя віды павукоў, мух і скарпіёнаў.
Біёлагі спадзяюцца, што падрабязнае вывучэнне новага віду дазволіць даведацца больш пра надклас мнаганожак.
У цяперашні час навукоўцамі апісана больш за 12 000 відаў гэтых членістаногіх.
Каментары