Давыдзька: За бел-чырвона-белы сцяг мог бы падпісацца і я, але чаму маладафронтаўцаў не прыцягнулі да адказнасці?
Кіраўнік Белтэлерадыёкампаніі Генадзь Давыдзька выказаўся пра збор подпісаў за ўключэнне бел-чырвона-белага сцяга ў спіс гістарычных каштоўнасьцяў. Ён падтрымлівае ініцыятыву ці выступае супраць? Паспрабуйце разабрацца.
«У пераходзе адбываецца збор подпісаў за бел-чырвона-белы сцяг. Арганізатары заяўляюць, што сабралі 10 тысяч подпісаў. Магчыма. Гэта подпісы за што? За сцяг ці за ідэю? Таму што тыя людзі, якія збіраюць подпісы, будуць казаць, што гэта падпісаліся за наш рух. А нехта падпісваўся за вельмі прыемнае спалучэнне: белы, чырвоны і белы — прыгожы сцяг.
Але звярніце ўвагу на постар, які стаіць побач. Унізе адрас сайта «Маладога фронта» — незарэгістраванай у Беларусі арганізацыі. І для даведкі: артыкул 193 п. 1 Крымінальнага кодэксу — незаконная арганізацыя дзейнасці грамадскага аб’яднання, рэлігійнай арганізацыі ці фонда, а таксама ўдзел у іх дзейнасці караецца штрафам, альбо арыштам да 6 месяцаў, альбо пазбаўленнем свабоды на тэрмін да двух гадоў.
Вось што мы маем? У самым цэнтры Мінска на працягу месяца парушалі Крымінальны кодэкс. Чаму не прагналі гэтых хлопцаў, чаму не папярэдзілі, што яны парушаюць заканадаўства. Баяцца?» — заявіў Давыдзька ў эфіры «Клуба рэдактараў».
На заўвагу рэдактара «Савецкай Беларусіі» Паўла Якубовіча Давыдзька яшчэ раз абурыўся, што ў адносінах да маладафронтаўцаў не склалі пратаколы.
«Сярод 10 тысяч падпісантаў мог быць і я, і Павел Ізотавіч [Якубовіч — «НН»]. Сцяг сімпатычны, чаму б не надаць яму гістарычны статус ці яшчэ які-небудзь», — падсумаваў кіраўнік Белтэлерадыёкампаніі.
-
Ты рускамоўны чалавек свету ці ты чалавек беларускі? Кейс Насты Рагатко
-
«Валасы дыбарам». У ютубе з'явіліся відэаролікі па гісторыі Беларусі, ад пачатку да канца напісаныя штучным інтэлектам
-
Наста Рагатко: Усіх, хто супраць удзелу беларусаў у івэнтах расіян, я чакаю ўбачыць на кірмашах польскіх, брытанскіх, іспанскіх
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары