Дэпутат Вярхоўнай Рады Украіны Надзея Саўчанка прыехала ў Маскву на слуханні па справе ўкраінцаў Мікалая Карпюка і Станіслава Клыха, асуджаных у Расіі па абвінавачванні ва ўдзеле ў баявых дзеяннях на баку чачэнскіх сепаратыстаў у 1990-х гадах.
26 кастрычніка ў Вярхоўным судзе Расіі адбудзецца разгляд апеляцыі па гэтай справе.
Аб прыездзе Саўчанка ў Маскву паведаміў адвакат Ілля Новікаў. Ён таксама апублікаваў фатаграфію ля ўваходу ў Вярхоўны суд.
26 мая 2016 г. Вярхоўны суд Чачні вынес прысуд грамадзянам Украіны Мікалаю Карпюку і Станіславу Клыху, якіх прызналі вінаватымі ва ўдзеле ў баявых дзеяннях на баку чачэнскіх сепаратыстаў у 1990-х гадах. Карпюк атрымаў 22,5 гады калоніі, Клых — 20 гадоў калоніі.
Па версіі Следчага камітэта РФ, Карпюк і Клых у 1990-х гадах уваходзілі ва ўкраінскую нацыяналістычную арганізацыю УНА-УНСО (прызнана ў Расіі экстрэмісцкай і забаронена).
Яны, як заяўляе следства, нібыта ваявалі ў Чачні ў складзе атрада баевікоў пад назвай «Вікінг». СК сцвярджае, што Карпюк і Клых удзельнічалі ў баях, падчас якіх загінулі не менш за 30 расійскіх вайскоўцаў.
Клых і Карпюк адмаўляюць усе абвінавачванні. Клых заяўляе, што ніколі не быў у Чачні. Абодва падпісалі заяву аб падачы апеляцыі на рашэнне суда.
Цяпер чытаюць
На вайсковыя зборы масава забіраюць гродзенцаў. А што мінчукі? Падрыхтуйцеся, ваша чарга — 2027‑2028 гады5
Каментары