З раскошным відам на ваду. У сталіцы пачынае фармавацца новы мікрараён, першы дом хутка будзе гатовы
Паўднёвая частка Мінска працягвае маштабную трансфармацыю. Цяпер асноўны фокус будаўнікоў скіраваны на мікрараён Лошыца-10. Асаблівасцю новага квартала стане яго непасрэдная блізкасць да Чыжоўскага вадасховішча.
Гэта ўчастак сярэдняга памеру, абмежаваны вуліцамі Манюшкі — Турава — Лучыны — Смоліча. Адным сваім бокам ён выходзіць проста на Чыжоўскае вадасховішча.
Як распавядае «Мінскбуд» у тэлеграм-канале, цяпер усе сілы і час рабочыя аддаюць дому №4б паводле генплана. Гэта панэльны дзесяціпавярховік на чатыры пад’езды і 159 кватэр. Яна сабрана з канструкцый МАПІДа — серыя М 464‑У1 (без эркераў і іншых упрыгожанняў).
«Навабудоўля завершана мантажом, выкананы дах, усталяваныя аконныя блокі. На чарзе — аздабленне і чыставыя спецработы. У спрыяльны перыяд будаўнікі завершаць перападключэнне сетак і выканаюць добраўпарадкаванне», — адзначаюць у «Мінскбудзе».
Неўзабаве ў рост пойдуць яшчэ два шматпавярховіка: №4А і №3 паводле генплана.
Дом №3 будзе мець раскошны від на Чыжоўскае вадасховішча.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах5
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1616
Каментары