«Кіберпартызаны» раскапалі новую дэталь па справе Анжалікі Мельнікавай
«Кіберпартызаны» на сваім сайце паведамілі дадатковы факт пра зніклую амаль год таму былую спікерку Каардынацыйнай рады Анжаліку Мельнікаву, які стаў ім вядомы апошнім часам.
«На гэты момант можам дапоўніць сітуацыю звесткамі аб тым, што Мельнікава (або нехта з доступам да яе рахункаў) 24 сакавіка 2025 года перавяла сродкі з рахунку НКА Belarus Liberty праз асабісты рахунак у літоўскую крыптабіржу UAB ONLYCHAIN FINTECH LIMITED», — пішуць «Кіберпартызаны».
Нагадаем, што 25 сакавіка — гэта Дзень Волі, а 25 сакавіка таго года Аляксандр Лукашэнка праводзіў сваю інаўгурацыю.
Спікерка Каардынацыйнай рады Анжаліка Мельнікава пакінула тэрыторыю Польшчы і Еўрасаюза 26 лютага 2025 года і паляцела ў Лондан. Паводле расследавальнікаў, за дзень да вылету яна зарэзервавала нумар у пяцізоркавым гатэлі на Шры-Ланцы, дзе ўжо бывала раней. З 28 лютага да 7 сакавіка Мельнікава жыла ў тым гатэлі з дзецьмі. 7 сакавіка Мельнікава з дзецьмі паляцела ў Дубай, там яе след губляецца. 25 сакавіка яна перастала выходзіць на сувязь. Дзе яна і што з ёй, няма інфармацыі.
Каардынацыйная рада заяўляла, што 13 сакавіка з яе акаўнта былі спампаваныя дакументы, якія датычаць працы арганізацыі.
У тым жа месяцы, паводле звестак «Кіберпартызанаў», Мельнікава перавяла на асабісты рахунак больш за 150 тысяч долараў са сродкаў фонду Białoruś Liberty. Вядома таксама, што перад знікненнем яна лётала на Кубу і ў Шры-Ланку разам з Аляксеем Лабеевым, супрацоўнікам лукашэнкаўскіх спецслужбаў.
Латушка: Пра месцазнаходжанне Анжалікі Мельнікавай нічога не вядома
Мельнікава двойчы была на паліграфе. Першы раз расплакалася і ўцякла
Польская пракуратура: Прыкладаем усе намаганні па высвятленні месцазнаходжання Мельнікавай
Лявончык пра знікненне Мельнікавай: Які сэнс ціснуць на дзяцей ці на бацькоў, калі невядома, дзе чалавек знаходзіцца
Гліннік: Выступ Мельнікавай на апошняй канферэнцыі быў дзіўны — яна казала, як хоча дадому
Каментары