Прэзідэнт Венесуэлы Нікалас Мадура паабяцаў павысіць памер мінімальнай заработнай платы ў краіне на 40% пасля закліку апазіцыі да ўсеагульнага страйку ў пятніцу, паведамляе Бі-бі-сі.
Такім чынам, мінімальны памер аплаты працы ў краіне складзе 90,9 тысяч балівараў (каля 138 даляраў ЗША).
Мадура таксама абвясціў, што ўсе кампаніі, якія спыняць сваю працу ў дзень страйку, прызначанай на 28 кастрычніка, будуць падвергнутыя ўрадавым праверкам.
У чацвер некалькі сотняў прыхільнікаў Мадуры сабраліся каля будынку кангрэса Венесуэлы, дзе заканадаўцы абмяркоўвалі магчымасці скідання Мадуры з прэзідэнцкай пасады.
Напярэдадні шматлікія акцыі пратэсту зноў выліліся ў сутыкненні дэманстрантаў з паліцыяй, у прыватнасці, у размешчаных на захадзе Венесуэлы гарадах Сан-Крыстабалі і Маракайба.
Акрамя пятнічнай забастоўкі лідары апазіцыі заклікалі венесуэльцаў выйсці на марш да прэзідэнцкага палаца 3 лістапада, калі ўрад не адкліча сваё рашэнне аб блакаванні рэферэндуму аб імпічменце Мадуры.
У аўторак кантраляваны апазіцыяй парламент Венесуэлы (Нацыянальная асамблея) прагаласаваў за пачатак судовага працэсу над Нікаласам Мадурам.
-
Слон з мёртвым сланянём, каёт у Сан-Францыска, пума на агароджы… Вось якія работы сталі сёлетнімі пераможцамі конкурсу «Фатограф года дзікай прыроды»
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам23
Каментары