У Польшчы аўтобус з беларусамі вылецеў з кальцавой развязкі, 7 чалавек шпіталізаваны
Сур'ёзнае дарожна-транспартнае здарэнне адбылося ў нядзелю раніцай каля 07:30 на кальцавой развязцы Куроня ў Жэшаве, паведамляе Polskie Radio Rzeszów.
Аўтобус, які рухаўся ў кірунку цэнтра горада, выехаў з кальца і спыніўся на раздзяляльнай паласе.
У аўтобусе знаходзіліся 47 чалавек, у асноўным грамадзяне Беларусі, якія ехалі ў Венгрыю.
Першапачаткова паведамлялася пра 10 параненых. Паводле апошняй інфармацыі, у бальніцы на абследаванні знаходзяцца 7 чалавек. Іх траўмы не ўяўляюць пагрозы для жыцця.
Абодва кіроўцы аўтобуса, грамадзяне Беларусі і Польшчы, былі цвярозыя.
Сярод папярэдніх версій разглядаецца магчымасць, што кіроўца-беларус мог заснуць за рулём.
Для пасажыраў, якія не пацярпелі, улады горада падагналі заменны аўтобус.
Каментары