Расійскі тэатр паставіць спектакль пра Сталіна — манарха, аскета, які аддана служыў сваёй Айчыне
У Растоўскім акадэмічным тэатры драмы імя Максіма Горкага паставяць спектакль пад назвай «Сталін. Гадзіншчык» паводле п'есы Уладзіміра Малягіна. Аб гэтым паведамляецца на сайце тэатра, піша rbc.ru.
Паводле слоў мастацкага кіраўніка тэатра Аляксандра Пудзіна, яму настолькі спадабалася п'еса, што ён стане яе рэжысёрам-пастаноўшчыкам.
«Мне здаецца, што сёння, калі краіна з усіх бакоў заціскаецца ў варожыя ціскі, і паўтараецца тое, што было ў перадваенныя гады з Савецкім Саюзам, востра адчуваецца неабходнасць наяўнасці ў дзяржаве яркага лідара, правадыра, які мог бы аб'яднаць нацыю і адказаць тым выклікам, якія кідае час. Спектакль бачыцца як споведзь героя з трыбуны Маўзалея, героя, гатовага паўстаць перад Судом Божым і Судом часу. Па сутнасці, перад намі падасца манарх, які манаствуе, аскет, чалавек вельмі складанага характару, якi выбраў шлях самаадданага і бескарыслівага служэння сваёй Айчыне», - цытуюць слоў мастацкага кіраўніка ў паведамленні.
Прэм'ера спектакля запланавана на вясну 2017 года.
Чытаць таксама на гэту тэму: Супакаенне ў Хэлоўін: як Сталіна вынеслі з маўзалея — Бі-бі-сі
Цяпер чытаюць
«Разагнаць дармаедаў! Аддаць людзям зямлю!» Трактарыст з Хойнікаў, які цяпер жыве ў Латвіі, параўнаў сельскую гаспадарку там і ў нас6
Каментары