Батуціст Уладзіслаў Ганчароў заваяваў адзін залаты медаль для Беларусі на Алімпіядзе ў Рыа-дэ-Жанэйра. Чэмпіён даў інтэрв’ю выданню by.tribuna.com. Вось некаторыя вытрымкі з яго:
«Мне падабаецца характар беларусаў. Мы не такія нахабныя, як рускія. Паглядзіце нават на тое, як расейцы паводзяць сябе на дарогах.
У нас усё больш прыязна: папросіш саступіць, ўключыш паваротнік, падзякуеш — і ўсё. Хоць я не раблю высноваў аб нацыі па некалькіх яе прадстаўніках. Да прыкладу, я меў зносіны з двума партугальцамі, але на падставе гэтага не магу дурное казаць пра тое, што там за народ.
— Лічыцца, што жыхары Усходняй Беларусі блізкія па менталітэту з рускімі. Згодны?
— Не, абсалютна. Якая розніца, у якой частцы Беларусі ты жывеш, калі краіна ў нас адна? Беларусь занадта маленькая, каб дзяліць яе на часткі па якіх-небудзь прыкметах. Каб дзяліць, краіна павінна быць мінімум маштабаў Расіі.
Некаторыя людзі ніколі не чулі пра Беларусь. У нас быў выпадак: засяляліся ў гатэль у Даніі, і на ресэпшн адміністратар некалькі разоў перапытала, адкуль мы прыехалі і дзе знаходзіцца наша дзяржава. Калі за мяжой мне даводзіцца распавядаць пра Беларусь, адразу ўспамінаю пра гераізм у Вялікай Айчыннай вайне, часам называю імёны такіх спартсменаў як Домрачава», — сказаў Ганчароў.
Цяпер чытаюць
«Набліжаецца момант пералому сітуацыі». Вадзім Кабанчук пра план для беларусаў4
«Набліжаецца момант пералому сітуацыі». Вадзім Кабанчук пра план для беларусаў
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя1616
Каментары