Пуцін узнагародзіў патрыярха Кірыла ордэнам «За заслугі перад Айчынай» I ступені
Расійскі прэзідэнт Уладзімір Пуцін узнагародзіў патрыярха Кірыла ордэнам «За заслугі перад Айчынай» I ступені. Указ апублікаваны на сайце Крамля.
Фота: прэс-служба Крамля
«За значныя заслугі ў захаванні і развіцці духоўных і культурных традыцый, актыўную асветніцкую і міратворчую дзейнасць, накіраваную на ўмацаванне дружбы паміж народамі», — гаворыцца ў апісанні ўзнагароды.
Пуцін ужо двойчы ўручаў патрыярху Кірылу ордэн «За заслугі перад Айчынай». У жніўні 2000 года ён уручыў ордэн III ступені, у лістападзе 2006 года — II ступені.
Сярод іншых дзяржаўных узнагарод патрыярха — Ордэн Аляксандра Неўскага, Ордэн Дружбы, медаль «Савет Федэрацыі. 20 гадоў».
Патрыярх Маскоўскі і ўсяе Русі Кірыл быў абраны ў 2009 годзе.
Каментары