Суд Маладзечанскага раёна адмовіў бацьку загінулай на бульбе школьніцы ў задавальненні пазову
Суд Маладзечанскага раёна пастанавіў, што пазоў бацькі загінулай на бульбе школьніцы не падлягае задавальненню.
Сям'я школьніцы заявіла, што мае намер абскардзіць рашэнне суда.
Нагадаем, у судзе Маладзечанскага раёна разглядалі грамадзянскі пазоў бацькі загінулай на ўборцы бульбы школьніцы да СПК «Усход-Агра». Алег Папчэня прасіў устанавіць факт працоўных адносін паміж яго дачкой і арганізацыяй. У такім выпадку Дэпартамент дзяржінспекцыі па працы быў абавязаны правесці спецрасследаванне трагедыі як няшчаснага выпадку на вытворчасці.
«Не хачу, каб пакаралі толькі настаўнікаў і кіроўцу. (…) Толькі па законе [разабрацца] — толькі тых», — заявіў бацька школьніцы на першым паседжанні па справе.
Першапачаткова адказчыкамі па справе было ААТ «Усход-Агра» — прадпрыемства, на полі якога загінула дзяўчынка падчас уборкі ўраджаю.
У судзе высветлілася, што спецрасследаванне выпадку можа правесці і аддзел адукацыі Маладзечанскага райвыканкама. На пытанне суду, чый дапамогай хацеў бы скарыстацца бацька, Алег Папчэня заявіў:
«Мне ўсё роўна, хто будзе праводзіць. Проста, як мне здаецца, выяўленыя не ўсе факты. Не ведаю, у каго якія паўнамоцтвы і хто як праводзіць праверку. Хацелася б, каб і Дэпартамент інспекцыі працы, і аддзел адукацыі праводзілі расследаванне. Будзе добра параўнаць вынікі ».
Раней Упраўленне адукацыі па Мінскай вобласці праводзіла ўласную службовую праверку інцыдэнту. Там прыйшлі да меркавання, што працоўныя адносіны паміж школьніцай і ААТ ўсё ж былі — таму рэкамендавалі аддзелу адукацыі ў Маладзечне звярнуцца па расследаванне няшчаснага выпадку ў інспекцыю па працы.
У выніку суд пастанавіў прыцягнуць па справе ў якасці суадказніка аддзел адукацыі Маладзечанскага райвыканкама, а таксама Дэпартамент дзяржінспекцыі па працы.
Каментары