У рэдакцыю «Нашай Нівы» прыйшла скарга ад настаўнікаў гомельскай сярэдняй школы №32. Па іх словах, педагогаў прымушаюць уступаць у рэспубліканскае грамадскае аб’яднанне «Белая Русь».
Настаўнікі сцвярджаюць, што адміністрацыя школы правяла сход, на якім параіла ўступіць у «Белую Русь» пад пагрозай звальнення.
Пра тое, што сход быў і педагогам сапраўды прапанавалі членства ў арганізацыі, пацвердзілі і ў школе.
Але ж дырэктарка Ала Нікіфарава сцвярджае, што гэта была проста прапанова, нічога больш.
«Прымушаць людзей супярэчыць і статуту «Белай Русі» і маім функцыянальным абавязкам. Таму я проста прапанавала калектыву. Ніхто нікога нават не прасіў, проста прапанавалі, — кажа Нікіфарава. — Калі настаўнік не хоча — то і не трэба. Такія ёсць, што вы думаеце, ўсе ўзялі і пабеглі ў «Белую Русь»? Не хочаш — не ідзі. Ёсць настаўнікі, якія катэгарычна не хочуць уступаць — гэта іх права».
Сама Нікіфарава з’яўляецца чальцом «Белай Русі» з 2008 года.
-
Дзмітрый Круты ўзначаліў камісію па фармаванні новага ўрада
-
Пазняк пра 1990-я: «Ніхто не зрабіў большай шкоды для нацыянальных інтарэсаў Беларусі, чым гэта істота». Пра каго ён?
-
Ціханоўская сустрэлася з адзіным кандыдатам ад апазіцыі Венесуэлы, які, імаверна, выйграў выбары, але Мадура не аддаў уладу
Цяпер чытаюць
«Ты будешь сотрудничать, б*, или нет?». Як у Беларусі схіляюць да супрацоўніцтва са спецслужбамі2
Каментары