У ноч на 14 чэрвеня ў Дубаі загарэўся 67-павярховы жылы хмарачос Tiger Tower (таксама вядомы як Marina Pinnacle), размешчаны ў раёне Dubai Marina. Пажар пачаўся каля 21:30 у пятніцу і хутка распаўсюдзіўся па верхніх паверхах, паведамляе выданне The National.
На месцы здарэння аператыўна працавалі службы грамадзянскай абароны, пажарныя, паліцыя і медыкі. Удалося эвакуяваць 3820 чалавек з 764 кватэр. На шчасце, ніхто не пацярпеў. Улады падкрэсліваюць, што прыярытэтам падчас эвакуацыі была бяспека і здароўе жыхароў.
Specialized teams successfully evacuated all residents from the 67-storey building, prioritizing their health and safety throughout the operation. Efforts continue to fully contain the fire. pic.twitter.com/7q0O0FU38G
Пажар тушылі каля шасці гадзін. Да раніцы агонь быў лакалізаваны, аднак над будынкам яшчэ доўгі час уздымаўся дым — працягваліся ахалоджвальныя працы. Для эвакуяваных былі арганізаваныя медыцынская і псіхалагічная дапамога.
З-за інцыдэнту часова спынілі рух трамваяў паміж станцыямі Dubai Marina і Palm Jumeirah, замест іх курсавалі аўтобусы.
Marina Pinnacle — гэта вялікі жылы хмарачос на 67 паверхаў, разлічаны на больш за 3800 жыхароў. У гэтым будынку ўжо здараліся пажары: у 2015 годзе агонь узнік на 47-м паверсе праз загаранне на кухні.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»26
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары