Кіроўца рэйсавага аўтобуса Мінск-Вільня спрабаваў правесці 50 блокаў цыгарэт. Яго затрымалі проста на мяжы
Кіроўца маршрутнага аўтобуса Мінск — Вільня быў затрыманы памежнікамі на памежным пункце пропуску «Мядзінінкай», калі спрабаваў схаваць у прыбіральню паўтысячы пачкаў беларускіх цыгарэт, паведамляе Дзяржаўная памежная служба Літвы.
Раніцай 12 чэрвеня на памежны пункт пропуску «Мядзінінкай» з Беларусі ўехаў маршрутны аўтобус Мінск-Вільня.
Ім кіраваў 35-гадовы жыхар Коўна. Пасажыраў аўтобуса накіравалі на працэдуры надгляду, а сам аўтобус неўзабаве павінны былі даглядзець мытнікі.
Памежнікі заўважылі, што кіроўца ўзяў з аўтобуса чорны поліэтыленавы пакет у туалет. Калі ён вярнуўся без яго, то ўзяў з аўтобуса яшчэ адзін такі пакет і панёс яго туды ж.
Літоўскія памежнікі высветлілі, што кіроўца перавозіў і спрабаваў пакінуць у туалеце 500 пачкаў цыгарэт «Minsk Super Slims» і «Minsk Capital QS» з беларускімі маркамі.
Памежнікі перадалі вадзіцеля і паўтысячы нелегальных пачкаў цыгарэт супрацоўнікам мытні, якія пачалі расследаванне.
За пасажырамі маршрутнага аўтобуса, якія засталіся без кіроўцы, быў адпраўлены іншы аўтобус.
Цяпер чытаюць
«Беларусь цябе любіць». Рэпартаж з развітання з Мікітам Мелказёравым8
Каментары