Як прайшоў вогненны фестываль «Свята Сонца» ў Дудутках ШМАТ ФОТА
Учора музейны комплекс «Дудуткі» стаў цэнтрам летняга свята — тут адбыўся фестываль «Свята Сонца», прысвечаны Купаллю. Гасцей чакала насычаная праграма: музыка, рамёствы, традыцыйныя гульні, этнаграфія і — галоўнае — відовішчнае вячэрняе агнявое шоу. Onliner наведаў фестываль.
Адной з галоўных падзей стаў двухгадзінны агнявo-піратэхнічны перформанс, у якім удзельнічалі праекты Kresiva, Etere, фаер-групы «Маоры», «Кетры» і іншыя калектывы.
Музычнае суправаджэнне вечара забяспечвалі фолк– і рок-групы: на сцэну выходзілі «Сарматы», Fishtank, «Дударэў», PLEMЯ, Guda, а таксама вядомы музыкант і даследчык этнакультуры Іван Кірчук.
Удзень на тэрыторыі фестывалю працавалі тэматычныя зоны. У «Горадзе майстроў» рамеснікі прадстаўлялі каваныя вырабы, посуд, упрыгожанні, вопратку і касметыку. Шмат гасцей забіралі з сабой не толькі ўражанні, але і арыгінальныя сувеніры.
Не засталіся без увагі і інтэрактыўныя пляцоўкі: стральба з лука і арбалета, старадаўнія настольныя гульні і нават 6-кіламетровая паласа перашкод — для самых трывалых.
Асаблівай увагі заслугоўваў фуд-корт з беларускай кухняй. Пах дранікаў, гарачага мяса, свежага хлеба і травяных напояў стаяў у паветры да самага вечара. Тут жа праходзілі кулінарныя майстар-класы і дэгустацыі.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага23
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу127127
Каментары
Што парадзіш, Барадзед, жыццё цяпер хуткае, даводзіцца варушыцца, ўсё і адразу, каб заўчасна не зарасці мохам.