Свет3131

Томаш Мацейчук: «Думаў, Расія — вялікая дзяржава, а ў іх у сасісках мяса няма!»

Зусім нядаўна адна з перадач на расійскім ТБ адзначалася бойкай паміж запрошаным польскім журналістам і ягонымі апанентамі з «патрыятычнага» лагеру.

Зачэпкай стала заўвага паляка пра тое, што сярэдні заробак у Румыніі большы за расійскі. Акрамя таго, ён падлавіў, што ягоныя апаненты, вялікія патрыёты, а не ведаюць, колькі складае мінімальны заробак у іх краіне. Нарэшце, ён сказаў, што ўкраінцы хочуць жыць як людзі, «а не ў лайне, як расіяне».

Не ўсе ведаюць, што той журналіст, на якога накінуліся ў эфіры расійскага канала, раней адстойваў расійскі пункт гледжання і крытыкаваў украінцаў. Томашу Мацейчуку на пачатку года забаранілі ўезд ва Украіну на 5 гадоў.

Што ж змусіла Мацейчука так памяняць свае погляды?

Томаш расказаў «Нашай Ніве» пра свае ўражанні ад Расіі і чым яна адрозніваецца ад карцінкі на расійскім ТВ.

«Я быў у Калінінградзе, Маскве і Пецербургу, — пачаў Томаш. — Калі я ехаў першы раз у Маскву, я думаў, што горад будзе багацейшы, бо Расія — вялікая краіна: там газ, нафта, алмазы, там усё. Я часта чуў ад розных расіян, што там ўсё цудоўна. Я глядзеў расійскія СМІ, праз іх прызму такія гарады, як Масква, Пецербург, Екацярынбург, Іркуцк — паўставалі выключна ў пазітыўным святле. Але

калі я прыехаў, то пабачыў, што не ўсё тут так ужо добра. Так, ёсць добрыя машыны, ёсць багатыя людзі, але шмат і бедных. Нават атмасфера такая агрэсіўная: кіроўцы вядуць сябе неадэкватна, нахабна.

Тут атмасферу не параўнаць з атмасферай у Празе, Вільні, Варшаве ці нават Берліне».

«У крамах цэны вышэйшыя за польскія, на некаторыя прадукты — у 4 разы! — расказаў паляк пра тое, што яго ўразіла. — Для мяне гэта быў шок.

Трэба падкрэсліць, што якасць гэтых прадуктаў нашмат ніжэйшая за якасць польскіх. Напрыклад, гародніна і садавіна даражэйшыя, мяса даражэйшае.

Тут у сасісках вельмі мала мяса. У Польшчы гэты паказчык пад 90%, а тут 50—60%.

Мясцовыя кажуць — не купляй гэтага мяса, там увогуле няма мяса.

Яблыкі ў Польшчы, калі перавесці на расійскія рублі, па 30 рублёў за кілаграм, тут як мінімум 80, а ёсць за 100 і нават 200!

Малако ў Польшчы таксама 30 рублёў, тут — 50—60, нават 80 рублёў. Нават вада мінеральная — 20 рублёў за паўтара літра ў Польшчы, а тут 40-50-60-80 рублёў».

Гэта дробныя рэчы, кажа паляк, але яны ўплываюць на якасць жыцця.

«Калі чалавек быў у Германіі, Францыі, а пасля прыехаў у Расію і пакаштуе мясцовыя прадукты, то ён адразу зразумее, што нешта не тое. Але трэба мець з чым параўноўваць: калі чалавек з Расіі ніколі не выязджаў, то яму можа падацца, што ўсё добра, што гэты паляк выдумляе?»

Разам з гэтым ён дадаў, што ў Пецярбургу яму спадабалася: людзі там не такія нахабныя, як у Маскве.

«А вось Калінінград — вельмі бедны, людзі жывуць за 20—25 тысяч рублёў у месяц. Гэтай ніжэй за пражытковы мінімум у Польшчы, пры вышэйшых цэнах!..

Я з многімі жыхарамі гаварыў як журналіст і ў мяне пыталіся, як выехаць у Польшчу. Бо ў суседнім Гданьску сярэдні заробак — 85 тысяч рублёў!

Для мяне было шокам, што калі калінінградцы едуць на закупы, яны вязуць з Польшчы нават туалетную паперу», — сказаў паляк.

З абвінавачаннямі ўкраінскіх СМІ ў прарасійскай пазіцыі ён нязгодны.

«Так, расіяне робяць з тых, хто з імі не згодны, «фашыстаў». І я супраць прапаганды. Але калі я паехаў на Данбас і ўбачыў на некаторых байцах «Айдара» шаўроны батальёна СС «Дырлеварнгер» і расказаў пра гэта, то мяне адразу запісалі ў расійскія прапагандысты. Я польскі нацыяналіст, я за сяброўства з Украінай, але я супраць такіх людзей. А ўезд ва Украіну мне забаранілі за нязручныя пытанні ўкраінскім чыноўнікам, што яны будуць рабіць з навучанымі і ўзброенымі неанацыстамі з «Мізантропік Дзівіжн». 

Што да ягонага ўдзелу ў прапагандысцкіх шоу, то Томаш думае, што трэба выступаць, нават калі ты адзін супраць усіх.

«Непрыемна, калі ты гуляеш адзін, і нават вядучы падсуджвае апанентам. Але трэба ісці наперад і казаць праўду, я так думаю Вам можа падацца, што карысці няма ад маіх словаў, але яна ёсць —

пасля бойкі на ТБ мне ў сацыяльных сетках напісала дзве тысячы чалавек з Расіі — гэта былі словы падтрымкі і ўхвалення таго, што я кажу», — упэўнены паляк.

Каментары31

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць