На заходнім узбярэжжы Нарвегіі, у аэрапорце горада Мёльдэ, у чацвер ледзь не адбылася трагедыя.
Boeing 737 авіякампаніі Norwegian выкаціўся за межы ўзлётна-пасадачнай паласы і спыніўся ўсяго за некалькі метраў ад вады. На борце знаходзіліся 165 пасажыраў і шасцёра членаў экіпажа, піша Bild.
Інцыдэнт адбыўся пры пасадцы рэйса, які вылецеў з Осла з гадзінным спазненнем. Умовы надвор'я аказаліся складанымі: снег, абледзянелая паласа і моцны парыў ветру сталі прычынай таго, што самалёт выйшаў за межы пасадачнай зоны на 150 метраў.
«Толькі пасля я зразумеў, што мы ўсяго за пяць метраў ад мора», — распавёў журналістам адзін з пасажыраў.
Экіпаж аператыўна правёў эвакуацыю праз аварыйныя трапы. Па словах відавочцаў, нягледзячы на стрэсавую сітуацыю, усё прайшло досыць хутка.
Прадстаўнік авіякампаніі Norwegian Сара Нергард пацвердзіла, што прычынай інцыдэнту сталі слізкая паласа і моцны вецер. Усе члены экіпажа прайшлі праверку на ўтрыманне алкаголю, якая паказала адмоўныя вынікі.
Яўген Буры з ABBA расказаў, колькі яго бізнэс-асацыяцыя атрымала ад Еўрасаюза і на што патраціла10
Каментары
Молодцы норвежцы. Водят самолеты даже бухими. Меня в центре Минска за 50 грамм пива на дне банки 4 часа в опорке мурыжили.