Украінскія радыкальныя нацыяналісты адзначаюць 1 студзеня дзень нараджэння Сцяпана Бандэры. Бандэра быў стваральнікам Арганізацыі ўкраінскіх нацыяналістаў, што вяла ўзброеную барацьбу за незалежнасць супраць польскіх, савецкіх і нямецкіх акупантаў Украіны.
Нацыяналістычныя рухі ў гэты дзень праводзяць свае традыцыйныя шэсці з паходнямі. Прычым геаграфія іх правядзення ў апошнія гады пашыраецца. Калі раней яны адбываліся ў Львове, дык з 2000-х таксама — у Кіеве, а апошнія гады яшчэ і Харкаве, Адэсе.
Сёлета шэсце мае адбыцца таксама ў Славянску — горадзе на Данбасе, вызваленым ад расійскіх баевікоў у 2014 годзе.
Постаць Сцяпана Бандэры — правадыра Арганізацыі ўкраінскіх нацыяналістаў (АУН) у 1930—50-я гады — выклікае рэзкае непрыманне ў Расіі, бо ён арганізаваў масавы і паспяховы ўзброены супраціў Маскве.
Украінскія гісторыкі падзяліліся ў ацэнцы Бандэры. Нацыяналісты і дзяржаўнікі высока ацэньваюць ягоную постаць, лібералы і левыя ставяцца да яго негатыўна.
З аднаго боку, ён узначаліў узброеную барацьбу за незалежнасць Украіны спачатку супраць палякаў, пасля проці нацыстаў і саветаў. З другога боку, ягоная арганізацыя выкарыстоўвала тэрарыстычныя метады. У вайне супраць палякаў АУН распаўсюдзіла тэрор на мірнае насельніцтва. У перыяд да 1941 года АУН супрацоўнічала з нямецкімі нацыстамі. Урэшце, праўда, немцы адправілі кіраўнікоў АУН, у тым ліку Бандэру, у канцлагер, калі тыя паспрабавалі абвясціць Украіну незалежнай.
Бандэру ўдалося зрабіць украінскі незалежніцкі рух масавым і папулярным.
Бандэру забіў агент савецкага КГБ, які ў выніку раскаяўся ў сваім учынку і перабег на Захад.
Прэзідэнт Юшчанка надаў Бандэру званне Героя Украіны. Януковіч гэты ўказ адмяніў.
Украінскія нацыяналісты ўшаноўваюць чырвона-чорны сцяг АУН побач з дзяржаўным, жоўта-блакітным.
Праванацыяналістычныя партыі цяпер набіраюць істотны працэнт галасоў не толькі на захадзе — калысцы АУН, але і ў цэнтры краіны. Нацыяналістычныя ідэі атрымалі новае распаўсюджанне ва Украіне ў адказ на захоп Расіяй Крыма і часткі Данбаса ў 2014-м.
Мінская настаўніца звольнілася са школы за 3 месяцы да канца адпрацоўкі. Колькі прыйшлося заплаціць?26
Каментары