Падаткавікі на канец мінулага года па пошце адправілі паведамленні аб неабходнасці заплаціць падатак за «няўдзел у фінансаванні дзяржфінансавання» ўжо 252 тысячам «дармаедаў». Пра гэта газеце «СБ. Беларусь сегодня» паведаміў начальнік упраўлення падаткаабкладання грамадзян, дэкларавання даходаў і маёмасці Міністэрства па падатках і зборах Андрэй Кавалеўскі. Мяркуецца, што дакладная колькасць жыхароў Беларусі, якія мусяць заплаціць падатак, стане вядомая ў пачатку вясны.
На канец снежня 2016-га беларусы заплацілі ў бюджэт амаль 4,9 млн дэнамінаваных рублёў. Прычым за тры апошнія тыдні з гэтай сумы «дармаедамі» было ўнесена 1,7 млн рублёў.
Дэкрэт № 3 «Аб папярэджанні сацыяльнага ўтрыманства» быў падпісаны ў красавіку 2015 года. У адпаведнасці з ім, беларусы, якія не ўдзельнічаюць у фінансаванні дзяржаўных выдаткаў (альбо калі ўдзельнічаюць, то менш за 183 каляндарныя дні на год), мусяць заплаціць падатак.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары