Цыкл святаў нацыянальных культур у Верхнім горадзе Мінска ў новым годзе адкрыецца 3 чэрвеня мерапрыемствам, прысвечаным шведскай культуры, паведаміла 10 студзеня на прэс-канферэнцыі ў Мінску дырэктар Рэспубліканскага цэнтра нацыянальных культур (РЦНК) Вольга Антоненка.
Супрацоўнікі цэнтра, паводле яе слоў, зараз вядуць перамовы з пасольствам Швецыі аб праграме мерапрыемства.
Ужо вядомыя даты яшчэ некалькіх святаў нацыянальных культур, сказала Антоненка. Так, 10 чэрвеня адбудзецца свята рускай культуры, прымеркаванае да Дня Расіі, які традыцыйна адзначаюць 12 чэрвеня. Свята ўкраінскай культуры ў цэнтры Мінска пройдзе 19 жніўня. Серыя культурных мерапрыемстваў завершыцца 23 верасня святам дагестанскай культуры.
Дырэктар РЦНК паведаміла, што сёлета правесці дні сваіх культур у цэнтры беларускай сталіцы маюць намер фіны, грэкі, цыганы, а таксама літоўцы, латышы і эстонцы, якія арганізуюць агульнае свята культур краін Балтыі.
«У нас была сумесная нарада з Мінгарвыканкамам аб правядзенні Дня Расіі, — паведаміла Антоненка. — Мы вырашылі, што сёлета мы зробім яго ў выглядзе свята непасрэдна рускай культуры, а не культур народаў, якія пражываюць у Расіі».
На гэтым свяце, сказала яна, чакаецца выступ прафесійных і самадзейных калектываў з Бранскай вобласці. Супрацоўнікі цэнтра таксама хочуць прыцягнуць на гэтае мерапрыемства прадстаўнікоў рускай дыяспары з рэгіёнаў Беларусі, у тым ліку цыркавыя калектывы, народныя тэатры і бардаў.
«Будзе працаваць этнаграфічная выстава, выстава старажытнай праваслаўнай і сучаснай рускай літаратуры. Будуць клубы рамеснікаў, выстава самавараў, сарафанаў, хустак, гармонікаў, матрошак, вышыванак, ганчарных вырабаў, вырабаў з дрэва, прадметаў кавальскай справы, Пакажам рускія старадаўнія гульні, барацьбу, гістарычную рэканструкцыю, выступ скамарохаў, правядзем майстар-класы па рускіх карагодах, кадрылі і шмат іншага», — падкрэсліла кіраўнік РЦНК.
Свята павінна атрымацца маштабным, таму арганізатары маюць намер заняць не толькі пляцоўку каля ратушы, але і іншыя прыдатныя пляцоўкі ў Верхнім горадзе.
Паводле слоў Антоненкі, ідэя святаў нацыянальных культур у цэнтры сталіцы належыць старшыні Мінгарвыканкама Андрэю Шорцу. Яна нагадала, што летась былі прэзентаваныя культуры народаў Расіі, а таксама азербайджанская, армянская, грузінская, яўрэйская, італьянская, карэйская, малдаўская, польская і ўкраінская культуры.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары