Лідарка французскага «Нацыянальнага фронту» Марын Ле Пен заявіла на сходзе правых палітыкаў у Германіі, што палітыкай будучыні будзе патрыятызм, піша ВВС.
Кандыдатка ў прэзідэнты Францыі прадказвае, што выбаршчыкі ў Францыі, Германіі і Нідэрландах возьмуць прыклад з жыхароў ЗША і Брытаніі і адкінуць палітычны істэблішмэнт.
Паводле яе слоў, у 2016 годзе «абудзіліся англасаксонскія краіны», а 2017 год «будзе годам абуджэння жыхароў кантынентальнай Еўропы».
З яе каментарамі пагадзіўся галандскі палітык Герт Вілдэрс.
«Учора новая Амерыка. Сёння новая Еўропа», — заявіў лідар Партыі свабоды, якая выступае супраць іміграцыі, на адкрыцці сходу ў горадзе Кобленц у Германіі.
І Вілдэрс, і Лё Пэн высока ацанілі канцэпцыю патрыятызму.
«Заходнія людзі прачынаюцца. Яны скідаюць ярмо паліткарэктнасці», — заявіў галандзец.
Лё Пэн перакананая, што рашэнне брытанцаў пакінуць Еўрасаюз у мінулым годзе справакуе эфект даміно па ўсім ЕС.
«Мы перажываем вяртанне нацыянальных дзяржаў», — сказала яна.
Яна таксама раскрытыкавала міграцыйную палітыку канцлера Германіі Ангелы Меркель, у выніку якой мільёны бежанцаў апынуліся ў Еўропе, як «штодзённую катастрофу».
Цяпер чытаюць
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары