У Ганцавіцкую цэнтральную раённую бальніцу з анафілактычным шокам трапіла 12-гадовая дзяўчынка, паведамілі БелТА ў мясцовай ЦРБ.
Выпадак адбыўся 20 студзеня. Школьніца захварэла на гнойную ангіну. Участковы педыятр выпісаў дзіцяці прэпараты «Цэфтрыяксон» і «Лідакаін». Вечарам маці стала самастойна ўводзіць дачцы лекі, і ў гэты час ёй стала дрэнна. У яе было абцяжаранае дыханне, затым яна страціла прытомнасць. Спалоханая жанчына выклікала хуткую дапамогу. Медыкі прыбылі праз пяць хвілін. Яны аператыўна аказалі дзяўчынцы дапамогу, пазбавіўшы яе ад анафілактычнага шоку, затым даставілі ў рэанімацыю. Цяпер школьніца пераведзеная ў дзіцячае аддзяленне, дзе ёй лечаць ангіну.
Таксама ў гэты дзень у бальніцу з дыягназам «анафілактычны шок» паступіла яшчэ адна жыхарка Ганцавіцкага раёна. Ёй таксама ў сціслыя тэрміны была аказаная медыцынская дапамога. У цяперашні час здароўю жанчыны нічога не пагражае.
Цяпер чытаюць
«Далі 3600 рублёў штрафу». На беларуску напісаў палітычны данос хлопец, з якім яна хадзіла на спатканні і якога злавіла на здрадзе31
Каментары