Зіма паступова здае свае пазіцыі. Тэмпература паветра ў Беларусі працягне павышацца, да канца тыдня будзе адліга. Пра гэта Tut.by распавяла галоўны сіноптык Гідрамета Святлана Рыбакова.
Фота Сяргея Гудзіліна
14 лютага (аўторак) пад уплывам малаактыўнага атмасфернага фронту на значнай частцы тэрыторыі краіны пройдуць невялікія кароткачасовыя ападкі (мокры снег, днём з дажджом). Чакаюцца слабыя туман, галалёд, на асобных участках дарог галалёдзіца. Вецер паўночна-заходні парывісты. Тэмпература паветра мінімальная ноччу -2 — -8°С, пры праясненнях па паўднёвым захадзе паветра знізіцца да -9 — -11°С, максімальная тэмпература днём -2 — + 2°С.
15 лютага (серада) ноччу яшчэ захаваецца ўплыў франтальнага падзелу і ў многіх раёнах краіны пройдуць кароткачасовыя ападкі (мокры снег, дождж). Днём з ростам атмасфернага ціску будзе пераважна без ападкаў. Слабыя туман і галалёд. На асобных участках дарог галалёдзіца. Тэмпература паветра мінімальная ноччу -1 —7°С, максімальная днём -3 — + 2°С.
16 лютага (чацвер) на фоне павышанага атмасфернага ціску будзе пераважна без ападкаў, толькі па поўначы пройдзе кароткачасовы снег, мокры снег, днём з дажджом. Слабыя туман і галалёд. На асобных участках дарог галалёдзіца. Тэмпература паветра мінімальная ноччу -3 — 9°С, пры праясненнях да -11°С; максімальная тэмпература днём -3. + 3 ° С.
Да канца працоўнага тыдня надвор'е ў Беларусі будуць вызначаць атмасферныя франты і цёплыя вільготныя паветраныя масы атлантычнага паходжання.
17 лютага (пятніца) ноччу пераважна па паўночна-заходняй палове рэспублікі, днём на большай частцы тэрыторыі чакаюцца кароткачасовыя ападкі (мокры снег, дождж), слабыя туман і галалёд. На асобных участках дарог галалёдзіца. Тэмпература паветра мінімальная ноччу -1 — -7°С, максімальная днём -2 — +3°С.
18—19 лютага (субота-нядзеля) на большай частцы тэрыторыі краіны кароткачасовыя ападкі (мокры снег, дождж), слабыя туман і галалёд. На асобных участках дарог галалёдзіца. Тэмпература паветра мінімальная ноччу -5 — + 2°С, максімальная днём -1 — +5°С.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары