Беларуская школа поўнасцю пяройдзе на новыя праграмы ў 2021/2022 навучальным годзе
Беларуская школа цалкам пяройдзе на новыя праграмы ў 2021/2022 навучальным годзе. Пра гэта сёння ішла размова ў час круглага стала ў прэс-цэнтры БелТА.
«Канчатковы пераход на новыя вучэбныя праграмы ў 10-х і 11-х класах адбудзецца ў 2020/2021 і 2021/2022 навучальных гадах адпаведна», — праінфармавала намеснік дырэктара па навукова-метадычнай рабоце Нацыянальнага інстытута адукацыі Міністэрства адукацыі Валянціна Гінчук. Паводле яе слоў, цяпер для гэтых класаў дзейнічаюць так званыя пераходныя праграмы.
Новыя вучэбныя праграмы ўкараняюцца ў адукацыйны працэс паэтапна. Тое ж датычыцца і школьных падручнікаў. У хуткім часе будзе аб'яўлены конкурс на стварэнне вучэбных дапаможнікаў, якія павінны быць выдадзены да 2019/2020 навучальнага года. У бліжэйшай перспектыве будзе аб'яўлены конкурс на стварэнне вучэбных дапаможнікаў для 10-х і 11-х класаў.
Да 2017/2018 навучальнага года плануецца выдаць больш за 30 новых дапаможнікаў. Сярод іх у асноўным будуць падручнікі для трэцякласнікаў і сямікласнікаў. Гэта абумоўлена тым, што менавіта ў наступным годзе ў гэтых класах будуць укараняцца абноўленыя вучэбныя праграмы.
Цяпер чытаюць
Гурт «Дразды» пакідае сцэну і вінаваціць у гэтым «гіперактыўных блогераў»5
Гурт «Дразды» пакідае сцэну і вінаваціць у гэтым «гіперактыўных блогераў»
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга182182
Каментары