У Лос-Анжэлесе адбылася 37-я цырымонія ўручэння прэміі найгоршага фільма года — «Залатой маліны» — якая па традыцыі праводзіцца напярэдадні цырымоніі «Оскараў». Галоўны прыз дастаўся дакументальнай карціне рэжысёра Дынэша Д'Соўзы «Амерыка Хілары: Таемная гісторыя Дэмакратычнай партыі», паведамляе ВВС.
«Амерыка Хілары» — гэта крытычны погляд на Дэмакратычную партыю ЗША. У прыватнасці, Дынэш Д'Соўза абвінавачвае дэмакратаў у сувязях з «Ку-Клукс-Кланам».
«Што тычыцца амерыканскай гісторыі, то адзіны ўрок, які Д'Соўза прыняў блізка да сэрца — гэта словы [амерыканскага шоўмена XIX стагоддзя] Ф. Т. Барнума: «Кожную хвіліну на свет з'яўляецца новы лох», — так адазваўся пра «Амерыку Хілары» кінакрытык выдання Movie Nation.
Фільм Д'Соўзы перамог адразу ў чатырох катэгорыях: найгоршы фільм, найгоршы выканаўца галоўнай ролі — усё той жа Д'Соўза, які сыграў самога сябе; найгоршая рэжысура — зноў Д'Соўза і Брус Скулі, а таксама найгоршая актрыса — Бэкі Тэрнер, якая сыграла Хілары Клінтан, не прамовіўшы у фільме ні аднаго слова.
Гэтай параўнальна малавядомай актрысе ўдалося пабіць такіх экранных «акул», як Джулія Робертс (за фільм «Нязносныя лэдзі»), Наомі Уотс («Дывергент-3: За сцяной») і Меган Фокс («Чарапашкі-ніндзя-2»).
У катэгорыі «найгоршы рымейк, прыквел, сіквел» найлепшым, то бок найгоршым, аказаўся «Бэтмен супраць Супермэна». Ён жа перамог у катэгорыі «найгоршы сцэнар».
Д'Соўза назваў «Залатыя маліны» свайму фільму «жаласнай помстай тых, хто прайграў».
У інтэрв'ю выданню USA Today ён сказаў: «Людзі ўсё яшчэ шалеюць з нагоды 8-га лістапада [дзень прэзідэнцкіх выбараў], і часткова гэтае галасаванне — гэта апасродкавана злосць на Трампа».
Малабюджэтная карціна выйшла ў пракат у ліпені 2016 года, яе касавыя зборы склалі 13 млн даляраў. Дональд Трамп у твітары заклікаў сваіх прыхільнікаў пайсці і паглядзець «Амерыку Хілары».
На сайце «Залатой маліны» ёсць і аб'ява пра тое, што журы ўсё яшчэ чакае, калі Трамп забярэ сваю «Залатую маліну», якую ён выйграў у 1991 годзе за эпізадычную ролю самога сябе ў фільме «Прывіды гэтага не робяць» («Ghosts can't Do It).
-
«Беларусьфільм» распачаў здымкі серыяла пра міліцыю, сцэнарый якога прабіў Кубракова на слязу
-
Былы КВЗшнік з БДУ пісаў сцэнарый для галоўнага кінакрынджу года. Нават Мінкульт дагэтуль не можа ўзгадніць гэтага пачварнага «Калабка»
-
Выйшаў трэці сезон любімага беларусамі серыяла пра шляхту — вось чым здзіўляе «1670». Там зняліся і беларусы
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары