У крамах «Суседзі» пачалі працаваць касіры з абмежаваннямі па слыху
Спецыяльны праект «Ціхая каса» для людзей з абмежаванымі магчымасцямі, якія часцяком не могуць знайсці месца працы, стартаваў у «Суседзях» у пачатку сакавіка.
Пакуль што на спецкасе працуе толькі адзін чалавек: у краме на Даўгінаўскім тракце. Пра гэта «НН» паведаміла спецыяліст аддзела маркетынгу Марына Малькевіч. Але ўжо зараз ідзе падрыхтоўка яшчэ некалькіх пачаткоўцаў, і неўзабаве яны прыступяць да новых абавязкаў.
«Натуральна, не ўсе пакупнікі гатовыя да абслугоўвання касірам, які не заўсёды пачуе ці адкажа на пытанні. Тым не менш эмацыйны кантакт і пазітыўны настрой хлопцаў дазваляюць забяспечыць высокі ўзровень сэрвісу і пакінуць пазітыўнае ўражанне ад абслугоўвання на «ціхай касе», — лічыць кіраўніцтва «Суседзяў».
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай24
Каментары