«Я пакуль звяртаюся да дзяржаўных служачых і іншых значных у краіне асобаў: працаўладкуйце, калі ласка, сваіх жонак, мужоў, палюбоўніц і палюбоўнікаў, родных і блізкіх. Тых, хто павінен і можа працаваць. Калі жонка ці палюбоўніца хворая, ну што ж, будзем лячыць. Калі могуць працаваць і павінны, яны максімум з 1 красавіка павінны быць на працы», — заявіў Аляксандр Лукашэнка.
«Вы можаце сказаць: дык яны заплацяць $200, або 400 рублёў на год. Не, пажадана, каб яны былі на працы, — падкрэсліў Лукашэнка. — Я не хачу называць канкрэтныя прозвішчы. Палкоўнік Шпягун [начальнік Аператыўна-аналітычнага цэнтра Сяргей Шпягун] павінен узяць гэта пытанне асабіста на кантроль і мне далажыць пасля 1 красавіка».
«Паглядзіце па кадравым рэестры, хто такі багаты ў яе муж, што яна сядзіць сёння, нічога не робячы, маючы дзіця 20—22 гадоў і не маючы пенсійнага ўзросту. Напэўна, вы некаторых ведаеце, я таксама. Але пакуль прозвішчаў не называю», — дадаў ён.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках88
Каментары