Камітэт дзяржбяспекі працягвае расследаванне крымінальнай справы ў дачыненні да трох былых высокапастаўленых банкаўскіх служачых. Дадзеную інфармацыю паведаміў TUT.BY прэс-сакратар КДБ Дзмітрый Пабяржын.
«Следства працягваецца. Яны знаходзяцца пад вартай», — сказаў Пабяржын, каментуючы інфармацыю пра лёс былога першага намесніка старшыні праўлення Беларусбанка Генадзя Гаспадарыка, былога выканаўчага дырэктара Беларусбанка Анатоля Багавіка і экс-кіраўніка Банкаўскага працэсінгавага цэнтра Генадзя Зубарава.
Паводле інфармацыі TUT.BY, затрыманні звязаныя з «адкатамі» пры пастаўках банкаўскага абсталявання.
Раней КДБ пацвярджаў толькі затрыманне Гаспадарыка. Паводле інфармацыі сілавікоў, банкір быў затрыманы ў сярэдзіне чэрвеня ў момант атрымання хабару ў памеры $14 тыс. У дачыненні да Гаспадарыка распачалі крымінальную справу па ч.3 арт. 430 (атрыманне хабару). Пазней кіраўнік КДБ Валерый Вакульчык заявіў, што рэальныя сумы, атрыманыя топ-менеджарам Беларусбанка ў якасці хабару, «нашмат большыя».
Праз месяц з'явілася інфармацыя аб затрыманні Анатоля Багавіка і Генадзя Зубарава. Але дагэтуль гэтая інфармацыя афіцыйна не пацвярджалася. Багавік да таго як ў 2014 годзе стаў выканаўчым дырэктарам банка, шмат гадоў узначальваў разліковы цэнтр банкаўскіх пластыкавых карт Беларусбанка.
Генадзь Зубараў працяглы час працаваў у Беларусбанку. Ён быў начальнікам аддзела банкаўскіх карт і дырэктарам разліковага цэнтра пластыкавых карт. У 2002 годзе Зубарава прызначылі гендырэктарам «Банкаўскага працэсінгавага цэнтра», а яго месца ў Беларусбанку заняў Багавік.
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы80
Каментары