Беларуская грацыя Кацярына Галкіна заваявала бронзавую ўзнагароду ў індывідуальным мнагабор'і на этапе Кубка свету па мастацкай гімнастыцы ў італьянскім Пезара.
Па выніках чатырох практыкаванняў (з абручом, мячом, булавамі і стужкай) беларуска набрала суму балаў 68,250, апярэдзіўшы гімнастку з ЗША Лауру Зенг - 67,900. Вышэйшыя адзнакі ў індывідуальным мнагабор'і атрымалі толькі дзве расіянкі. Аляксандра Салдатава выйграла спаборніцтвы — 73,100 бала, а Дзіна Аверына стала сярэбраным прызёрам — 72,400 бала.
У групавых практыкаваннях у мнагабор'і беларуская каманда размясцілася на чацвёртым месцы - 34,250 бала. Першае месца занялі балгарскія гімнасткі - 37,350 бала. У прызёры таксама трапілі каманды Італіі (36,800 - другое месца) і Украіны (34,600 - трэцяе месца).
Этап Кубка свету ў Пезара працягнецца 9 красавіка выступам у індывідуальных відах, Беларусь прадставяць Кацярына Галкіна і Аліна Гарноська, а таксама будуць разыграныя медалі ў групавых практыкаваннях з трыма мячамі і двума скакалкамі.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары