Брытанскі часопіс Vogue, які лічыцца адным з самых уплывовых у свеце моды, упершыню ў гісторыі ўзначаліць мужчына — Эдвард Энінфул, паведамляюць інфармагенцтвы.
Адзначаецца, што 45-гадовы Энінфул з'яўляецца «ўплывовай фігурай у свеце моды, Галівуду і музыкі». Раней ён працаваў у амерыканскіх і італьянскіх выданнях Vogue, а таксама ў часопісе W Magazine.
На пасадзе галоўнага рэдактара Эдвард Энінфул зменіць Аляксандру Шульман, якая ўзначальвала часопіс больш за 25 гадоў.
Першы нумар часопіса Vogue выйшаў у 1892 годзе ў ЗША. У 1916 годзе Vogue пачаў выдаваць брытанскую версію.
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3434
Каментары