Расійскую поп-дзіву Лаліту Міляўскую ва Украіне знялі з цягніка за наведванне Крыма
Украінскія памежнікі знялі з цягніка расійскую спявачку Лаліту Міляўскую і перасадзілі яе на зваротны цягнік у Расею. Як распавяла артыстка ў інстаграме, яе знялі з цягніка ў 4 раніцы 23 красавіка на вакзале Канатопа ў Сумскай вобласці.
Міляўскай забаранілі ўезд ва Украіну, бо ў 2015 годзе яна пабывала ў Керчы.
Украінскія ўлады раней неаднаразова забаранялі ўезд у краіну расійскім артыстам за наведванне Крыма ці раёнаў Данецкай або Луганскай абласцей, якія кантралююцца сепаратыстамі, у абыход украінскіх памежных пастоў.
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай14
Каментары