Спявак Элтан Джон трапіў у рэанімацыю з-за бактэрыяльнай інфекцыі. Ён правёў там дзве ночы, перадае Reuters са спасылкай на яго прэс-сакратара Фрэну Керціс.
Па словах прадстаўніцы спевака, Элтан Джон захварэў падчас свайго тура па Паўднёвай Амерыцы, які завяршыўся 10 красавіка ў Чылі. Керціс адзначыла, што тып інфекцыі не быў вызначаны, але яна была «незвычайнай». Паводле яе слоў, інфекцыі «такога роду» з'яўляюцца рэдкімі і «патэнцыйна смяротнымі».
У сувязі з хваробай Элтан Джон адмяніў усе свае канцэрты ў Лас-Вегасе ў красавіку і маі, а таксама майскі канцэрт у Каліфорніі. Вярнуцца на сцэну спявак плануе 3 чэрвеня ў Англіі.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?21
Каментары