Як цяпер будзе выглядаць даведка, па якой дзеці бясплатна ездзяць у транспарце ФОТА
На даведках, па якіх дзеці бясплатна ездзяць у грамадскім транспарце, павінна быць фота, назва школы ці гімназіі, дзе вучыцца дзіця, а таксама адрас, па якім ён жыве, піша Tut.by. Аднак, удакладняюць у Мінадукацыі, гэта не значыць, што школьнікі могуць бясплатна ездзіць толькі ад дома да школы і назад.
26 красавіка ўступіла ў сілу пастанова Мінадукацыі № 15. Паводле дакумента, цяпер у ніжнім левым вуглу школьных даведак, па якіх дзеці ездзяць бясплатна, з'явіцца фатаграфія.
«Здымак патрэбен для таго, каб дакументам для праезду не карысталіся іншыя асобы», — тлумачыць Людміла Высоцкая, прэс-сакратар Міністэрства адукацыі.
Вось так будзе выглядаць даведка, якую можа папрасіць кантралёр.
Прэс-сакратар нагадала: вучням не трэба плаціць за праезд. Гэта замацавана пастановай Саўміна № 202, у якім прапісана, што з 1 верасня па 30 чэрвеня школьнікі могуць бясплатна карыстацца грамадскім транспартам ад дома да месца вучобы і назад. Што ж тычыцца іншых маршрутаў, рашэнне па ім прымаюць мясцовыя органы ўлады.
Тым не менш у Мінадукацыі ўдакладняюць: пастанова не абмяжоўвае дзяцей праездам ад дома да школы.
«Бо дзеці займаюцца ў секцыях, музычных школах, гуртках — і туды ім таксама неабходна дабірацца», — рэзюмуе Людміла Высоцкая.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску9
Каментары