Другі год запар беларускі клюб дабіраецца да такіх вышыняў у Лізе чэмпіёнаў. І калі летась, шанцы перамагчы румынскі «Сьцяўа» былі мінімальныя, то сёлета іх пабольшала ў разы. Пачатак жывога эфіру а 19:55.
Сёньня ў Сафіі на стадыёне «Георгі Аспарухаў» пройдзе першы матч трэцяга кваліфікацыйнага раўнду Лігі чэмпіёнаў між мясцовым «Леўскі» і барысаўскім БАТЭ. Другі год запар беларускі клюб дабіраецца да такіх вышыняў. І калі летась, шанцы перамагчы румынскі «Сьцяўа» былі мінімальныя, то сёлета іх пабольшала ў разы.
Інтарэс да гэтай сустрэчы калясальна. Пра гэта яскрава сьведчыць апытанка на сайце «Прессбола» абсалютна большасьць аматараў аддае перавагу менавіта гэтай гульні, а не Алімпіядзе.
Трэнэр «Леўскі» Веліслаў Вуцаў прызнаецца, што «Андэрлехт» проста недаацаніў БАТЭ, а яго каманда такога не дапусьціць. Разам з тым, баўгарын абсалютна самаўпэўнена прагназуе перамогу зь лікам 2:0.
Трэнэр БАТЭ Віктар Ганчарэнка кажа, што яго не засмуціць і гасьцявая нічыя, але поўнае задавальненьне прынясе толькі перамога, да якой барысаўцы і будуць імкнуцца.
Праз дыскваліфікацыю не сыграе ў Сафіі абаронца Сасноўскі, пад пытаньнем удзел у гульні капітана Аляксандра Ермаковіча і найлепшага бамбардзіра Генадзя Блізьнюка.
Жывы эфір а 19:55 на тэлеканале «Лад».
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары