«Аэрафлот» затрымлівае вечаровы рэйс у Мінск і адмяняе 6 чэрвеня дзённы
Авіякампанія «Аэрафлот — расійскія авіялініі» затрымлівае сённяшні вечаровы рэйс у Мінск на 7 гадзін і адмяняе 6 чэрвеня дзённы.
Пра гэта сведчаць дадзеныя анлайн-табло аэрапорта Шарамеццева, паведамляе Белта.
У прыватнасці, рэйс SU1834 вылетам з Масквы сёння ў 22.00 затрыманы да 5.05 6 чэрвеня і будзе выкананы пад нумарам SU1994.
Зваротны рэйс з Мінска SU1835, які павінен адправіцца па раскладзе 6 чэрвеня ў 6.10, затрыманы да 7.35.
Акрамя таго, «Аэрафлот» адмяніў 6 чэрвеня два дзённых рэйсы паміж Масквой і Мінскам: SU1840 вылетам у 13.50 з Шарамеццева і SU1841 вылетам у 16.05 з беларускай сталіцы.
Прычыны зменаў у раскладзе не паведамляюцца.
Па дадзеных анлайн-табло, 6 чэрвеня ў Шарамеццева будзе адменена каля 20 рэйсаў, яшчэ столькі ж рэйсаў, як чакаецца, будуць затрыманыя.
Сёння праз непагадзь у аэрапортах Дамадзедава і Шарамеццева агулам затрымалі 21 рэйс, яшчэ 18 адмянілі.
-
Стала вядома, каму належыць вытанчанае французскае бістро ў Мінску. Вам не спадабаецца
-
У Польшчы прадставілі яшчэ адзін законапраект аб грамадзянстве: 15 гадоў жыцця ў краіне, польская на ўзроўні С1 і даведка аб несудзімасці на радзіме
-
«Мельнікава не абавязкова агентка КДБ, яна можа быць ахвярай. А Лабееў яе купіў тым, што назваўся адзінокім бацькам з дзецьмі»
Каментары