Суд Добрушскага раёна прыгаварыў жыхара райцэнтра да 23 гадоў пазбаўлення волі са знаходжаннем у калоніі асаблівага рэжыму за забойства суседа з асаблівай жорсткасцю.
Здарэнне адбылося ў пачатку студзеня 2017 года ў доме 62-гадовага пенсіянера — інваліда другой групы. Увечары да яго ў госці зайшоў беспрацоўны 50-гадовы сусед. Мужчыны арганізавалі застолле, разам выпівалі, затым узнікла сварка. У парыве гневу гаспадар дома схапіў мыліцу і пачаў біць госця. Затым у справу пайшоў зэдлік.
Ад атрыманых траўмаў пацярпелы памёр на месцы. Судмедэкспертыза высветліла, што смерць мужчыны наступіла ад чэрапна-мазгавой траўмы, пераломаў рэбраў і пнеўматораксу.
Пенсіянер сам выклікаў міліцыю. У дачыненні да яго была заведзеная крымінальная справа па факце забойства з асаблівай жорсткасцю асобай, якая раней ужо здзяйсняла забойства. Справа ў тым, што ў свой час пенсіянер за аналагічнае злачынства адбываў пакаранне.
Акрамя таго, суд пастанавіў падвергнуць асуджанага ў калоніі прымусовага лячэння ад алкагалізму.
Прысуд не ўступіў у законную сілу і можа быць абскарджаны ва ўстаноўленыя заканадаўствам тэрміны
-
У Пружанах са стралянінай затрымлівалі кіроўцу без правоў
-
«Дзяўчына недзе праз сем секунд ужо пікіравала без пілота». Сябар дэльтапланерыста, які разбіўся ў Строчыцах, расказаў, што прывяло да трагедыі
-
«Парваў сабе дыяфрагму і кішкі, наноў вучыўся хадзіць». Унук аўтара «Калыханкі» Васіля Раінчыка распавёў, як трапіў у страшную аварыю
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары