Мастыфа Марту прызналі самым непрыгожым сабакам у свеце. У яе быў вельмі цяжкі лёс ФОТА
Трохгадовы мастыф па мянушцы Марта перамог на конкурсе самых непрыгожых сабак, які штогод праводзіцца ў ЗША. Марта родам з каліфарнійскага горада Себастопаль, яна доўгі час пакутавала ад болю і практычна не бачыла.
Былы гаспадар спрабаваў пазбавіцца ад Марты, выставіўшы яе на продаж на сайце з аб'явамі. Яе заўважылі супрацоўнікі мясцовага прытулку і ўзялі да сябе. Мастыф перанесла некалькі аперацый, яе пазбавілі пастаяннага болю, а да сабакі вярнуўся зрок. Сабаку забрала з прытулку жыхарка Каліфорніі Джэсіка Буркарт, якая лічыць сваю гадаванку «чароўнай».
Марта гучна храпе па начах, таму ёй забараняюць спаць у спальні гаспадыні. У анкеце сабакі на сайце конкурсу гаворыцца, што яна перакульвае любую ёмістасць з вадой, якую бачыць, і аблізвае ўсіх гасцей. Марта прысутнічала на цырымоніі абвяшчэння ўладальніка тытула самай непрыгожай сабакі года і заснула на сцэне, калі яе назвалі пераможцам.
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары