Вячаслаў Мальцаў — расійскі апазіцыянер з нацыяналістычнымі поглядамі. Ён праславіўся тым, што падчас парламенцкіх дэбатаў у эфіры дзяржаўнага тэлебачання заклікаў да імпічмента Пуціну.
Цяпер на Мальцава завялі крымінальную справу за стварэнне экстрэмісцкай супольнасці. Знаёмыя сілавікі папярэдзілі яго пра магчымае затрыманне, і апазіцыянер паспеў уцячы з Расіі.
Ён накіраваўся ў Беларусь, каб транзітам праехаць праз Украіну ў Малдову. Аднак ва Украіну яго не прапусцілі, патлумачыўшы, што Мальцаў удзельнічаў у баявых дзеяннях на тэрыторыі «ДНР». Сам ён гэта адмаўляе. Месца яго знаходжання пакуль невядомае.
Каментары