Бяда здарылася ў Гомелі ноччу з 2 на 3 ліпеня. П’яны 16-гадовы падлетак прайшоў у інтэрнат на вуліцы Уладзімірава.
Падлетак зайшоў у незачынены пакой, дзе сустрэў незнаёмага 24-гадовага мужчыну.
Хлопец ударыў мужчыну нажом. Ад атрыманых цялесных пашкоджанняў той памёр на месцы здарэння.
Затрымалі падазраванага хутка, па гарачых слядах.
«З удзелам падазраванага праведзены шэраг следчых дзеянняў, у тым ліку праверка паказанняў на месцы здарэння з ужываннем відэазапісаў. Дапытваюцца сведкі, збіраюцца характарыстыкі да падазраванага і яго бацькоў», — паведамляюць следчыя.
Як выявілася, падазраваны выхоўваўся ў няпоўнай сям'і. Прычым займаўся ім тата — маці была пазбаўлена бацькоўскіх правоў.
Але ж і бацька падлетка прыцягваўся да адміністрацыйнай адказнасці за невыкананне абавязкаў па выхаванні сына. Сям'я стаіць на ўнутрышкольным уліку, бо знаходзiцца ў сацыяльна-небяспечным становішчы.
Сам непаўналетні хлопец знаходзіцца на ўліку ў інспекцыі па справах непаўналетніх.
Следчыя шукаюць матыў злачынства.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі84
Каментары