Урад Канады прыняў рашэнне адмяніць гандлёвыя абмежаванні ў дачыненні да Беларусі, уведзеныя ў 2006 годзе. Пра гэта гаворыцца ў пастанове, апублікаванай у сераду ва ўрадавым весніку Canada Gazette.
«У адпаведнасці з абавязальніцтвамі ўрада Канады па дыпламатычным узаемадзеянні з міжнароднай супольнасцю і ў адказ на нядаўнія пазітыўныя змены ў Беларусі ўрад Канады аб'яўляе аб сваім рашэнні вывесці Беларусь з Рэгіянальнага кантрольнага спісу, — гаворыцца ў дакуменце. — Такім чынам адмяняюцца меры, уведзеныя ў снежні 2006 года».
У Рэгіянальны кантрольны спіс уваходзяць краіны, на якія распаўсюджваюцца меры па кантролі над экспартам і перадачай любых тавараў і тэхналогій.
Цяперашняе рашэнне, адзначаецца ў дакуменце, сведчыць таксама аб прызнанні Канадай «канструктыўнай ролі Беларусі ў садзейнічанні перамоваў аб спыненні агню і ўсталяванні міру ва Украіне».
Цяпер чытаюць
Сталі вядомыя падрабязнасці крушэння мотадэльтаплана пад Мінскам1
Сталі вядомыя падрабязнасці крушэння мотадэльтаплана пад Мінскам
Памерла Святлана Курс. У яе творах спалучаліся магія жывога жыцця і бязлітасны псіхалагізм. А ў публічных выступах і ФБ — рэзкі антыімперыялізм і элегантны лірызм1818
Каментары