Іран запусціў шэсць ракет па вайсковых базах ЗША ў Катары. Пра гукі выбухаў паведамляюць жыхары сталіцы гэтай краіны — Дохі.
Паводле даных выдання Axios, Іран накіраваў шэсць балістычных ракет у бок амерыканскіх вайсковых аб'ектаў у Катары, у прыватнасці — на авіябазу Аль-Удэйд (Al Udeid Air Base), найбуйнейшы аб'ект ВПС ЗША ў рэгіёне Персідскага заліва.
Раней паведамлялася, што Іран перакідае ракетныя ўстаноўкі для магчымага ўдару па сілах ЗША на Блізкім Усходзе.
Амбасада ЗША ў Катары рэкамендавала сваім грамадзянам, якія знаходзяцца ў гэтай арабскай краіне, «у якасці мер засцярогі» схавацца ў сховішчах да далейшага паведамлення.
Улады Катара прыпынілі палёты ў паветранай прасторы краіны.
Катар назваў атаку з боку Ірана грубым парушэннем суверэнітэту дзяржавы і міжнароднага права. МЗС краіны напісаў у сацсетцы Х, што пакідае за сабой права на адказ.
Таксама ў міністэрстве пацвердзілі, што іранскія ракеты перахапілі катарскія сілы СПА, пацярпелых сярод вайскоўцаў і цывільных няма.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы12
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары