23 чэрвеня 2025 года парламент Румыніі зацвердзіў новы кааліцыйны ўрад на чале з праеўрапейскім палітыкам Іліе Балажанам, лідарам Нацыянал-ліберальнай партыі і былым часовым прэзідэнтам краіны.
За зацвярджэнне ўрада прагаласаваў 301 дэпутат, толькі дзевяць былі супраць. Ультраправая партыя AUR байкатавала галасаванне і пакінула залу.
Члены новага ўрада павінны скласці прысягу ўвечары ў Прэзідэнцкім палацы, пасля чаго афіцыйна пачнуць працу.
Кааліцыя, якая падтрымлівае Балажана, уключае чатыры палітычныя сілы і мае большасць у парламенце — больш за 60%. Паводле кааліцыйнага пагаднення, у 2027 годзе яго на пасадзе прэм’ера заменіць прадстаўнік Сацыял-дэмакратычнай партыі.
У новым кабінеце 16 міністраў і некалькі віцэ-прэм’ераў. Міністэрствы абароны і замежных спраў узначалілі прадстаўнікі праеўрапейскага Саюза за выратаванне Румыніі — Іануц Машцяну і Аана Тою адпаведна.
Кандыдатуру Балажана на пасаду кіраўніка ўрада на мінулым тыдні вылучыў прэзідэнт краіны Нікушор Дан.
Цяпер чытаюць
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары