Чэмпіён Беларусі барысаўскі БАТЭ працягвае барацьбу за трапленне ў групавы этап Лігі чэмпіёнаў. У трэцім кваліфікацыйным раўндзе супернікам нашага клуба стала пражская Славія». Букмекеры бачылі відавочным фаварытам гульні чэхаў, якія гулялі дома.
Ключавы момант гульні адбыўся на 18-ай хвіліне, калі Яўген Яблонскі ў сваёй штрафной парушыў правілы. Нямецкі суддзя Данкерт быў вельмі суворы — пенальці + чырвоная картка Яблонскаму. Мілан Шкода прабіў па цэнтры варот, але дакладна — 1:0.
Пасля гэтага барысаўскаму клубу давялося перабудоўвацца. Пайшлі замены. Вядома, што гуляць у меншасці не так проста, як у роўных складах.
Двойчы гульцы «Славіі» білі ў штангі, яшчэ некалькі разоў бліскучую рэакцыю праявіў брамнік нашага клуба Шчарбіцкі.
Агулам колькасць удараў па варотах 13:1 на карысць чэшскага клуба. З момантаў у барысаўцаў можна ўспомніць хіба толькі ўдар са штрафнога ад Ігара Стасевіча, і хоць задума была някепская, але выкананне падвяло.
Можна сказаць, што БАТЭ нават пашанцавала, што гульня скончылася ўсяго толькі мінімальнай перавагай «Славіі» - 1:0. Праз тыдзень у Барысаве наш клуб яшчэ будзе мець некаторыя шанцы на працяг барацьбы.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары