Міністэрства гандлю Кітая абвясціла аб забароне на адкрыццё новых бізнэс-праектаў з КНДР. Рашэнне было прынята ў межах выканання рэзалюцыі Рады бяспекі ААН аб увядзенні новых санкцый супраць Паўночнай Карэі, паведамляе «Свабода».
У заяве, апублікаванай на сайце міністэрства, гаворыцца, што рашэнне набывае сілу неадкладна. Адкрыццё новых супольных прадпрыемстваў, фірмаў або кампаній, доля ў якіх належыць грамадзянам Паўночнай Карэі, з гэтага часу стане ў Кітаі немагчымым.
Адначасова міністэрства паведаміла пра тое, што пад забарону трапляюць і любыя інвестыцыі, зробленыя кітайскімі кампаніямі ў прадпрыемствы Паўночнай Карэі.
Рада бяспекі ААН увяла новыя санкцыі супраць КНДР у пачатку жніўня. Рашэнне стала адказам на запуск новай міжкантынентальнай балістычнай ракеты, праведзены Пхеньянам у ліпені. Санкцыі маюць прымусіць улады Паўночнай Карэі адмовіцца ад праграм па стварэнні ядзернай зброі і балістычных ракет.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары