У Віцебску адмовілі друкаваць улётку кандыдата на «тарашкевіцы»
У Віцебску акруговая камісія адмовілася друкаваць улётку кандыдата ў дэпутаты ад Аб’яднаных дэмакратычных сіл Таццяны Севярынец. Сябрам камісіі не спадабалася тое, што яна была напісаная на «тарашкевіцы».
У Віцебску акруговая камісія адмовілася друкаваць улётку кандыдата ў дэпутаты ад Аб’яднаных дэмакратычных сіл Таццяны Севярынец. Сябрам камісіі не спадабалася тое, што яна была напісаная на «тарашкевіцы».
Як паведаміла Рацыі Таццяна Севярынец, раніцай да яе патэлефанавалі з акруговай камісіі і пведамілі, што не могуць надрукаваць яе агітацыйную ўлётку таму што яна напісаная на «нейкай не зразумелай мове».
Высветлілася, што сябры камісіі пад незразумелай мовай мелі на ўвазе «тарашкевіцу», якую, згодна з нядаўна прынятым законам, нельга будзе выкарыстоўваць з наступнага года.
Вось што распавяла Рацыі Таццяна Севярынец:
‑ Яны кажуць, што нейкая мова незразумелая. Але я ім патлумачыла, што гэта мова, на якой друкуецца газета «Наша ніва», на якой я пішу па‑беларуску. І якая не забароненая.
У выніку бакі прыйшлі да згоды, што ўлётка будзе надрукаваная на «наркамаўцы». Здаецца, ў справе можна было паставіць кропку. Аднак тут сябры камісіі ўважліва азнаёміліся за зместам улёткі, і перапалохаліся яшчэ больш. Паводле Таццяны Севярынец, у звароце да выбаршчыкаў яна ўзняла пытанні, якія, на яе думку, найбольш хвалююць беларусаў. А галоўная з іх — згубленне маральных арыентыраў. Ва ўлётцы прыводзяцца дадзеныя статыстыкі, згодна я якімі Беларусь знаходзхіцца на адным з першых месцаў у свеце па колькасці самагубстваў, а кожны трэці шлюб у краіне —распадаецца.
Пакуль камісія дакладна так і адказала — ці будзе яна друкаваць улётку кандыдата ў дэпутаты Таццяны Севярынец. Сама э прэтэндэнтка з нецярпеннем чакае, ці паажуць сёння ўвечары яе тэлевізійны выступ, які таксама быў вельмі крытычны ў адносінах да ўлады.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах1
Каментары