«Я Віктар Орбан, і я хачу вас павіншаваць». Мадзьяр расказаў пра сваю размову з Орбанам
Лідар венгерскай партыі «Ціса» Петэр Мадзьяр падрабязна расказаў пра сваю размову з дзейным прэм’ерам Віктарам Орбанам пасля таго, як той усвядоміў сваю паразу на выбарах. Пра гэта ён расказаў на прэс-канферэнцыі ў Будапешце, адказваючы на пытанні венгерскіх медыя, паведамляе «Еўрапейская праўда».
Мадзьяр прызнаўся, што не чакаў званка ад Орбана, хоць і быў перакананы ў сваёй перамозе.
«Тэлефоннае віншаванне было кароткім, і яно было такім, якім я мог бы яго ўявіць — хоць, шчыра кажучы, я не думаў, што гэта адбудзецца».
«Мне патэлефанаваў Гергей Гуяш, з якім мы даўно знаёмыя, якога я добра ведаю — ён хросны бацька майго сына, і мы маем нумары адзін аднаго», — расказаў Мадзьяр. Гуяш, які працуе кіраўніком офіса Орбана, сказаў, што Орбан хоча пагаварыць з Мадзьярам, але набярэ яго сам, з уласнага тэлефона.
Петэр Мадзьяр расказаў цікавую дэталь: ён не бярэ слухаўку падчас званкоў з незнаёмых нумароў, таму Гуяш быў вымушаны даць яму апошнія чатыры лічбы нумара Орбана, каб яго нумар стаў «знаёмым».
«Ён патэлефанаваў. Я сказаў: добры дзень, я Петэр Мадзьяр, а ён мне — а я Віктар Орбан, і я хачу вас павіншаваць. А я адказаў: я хачу падзякаваць».
Пераказаўшы змест гэтай кароткай размовы, Мадзьяр дадаў, што папрасіў Орбана разам ліквідаваць раскол у венгерскім грамадстве, хоць не ўдакладніў, як гэта павінна адбыцца.
«Я сказаў яму, што ў нас ёсць агульная адказнасць за аб’яднанне краіны», — заўважыў Петэр Мадзьяр.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары
"І ми заявили, що якщо переговори з Україною будуть доведені до кінця, то в Угорщині відбудеться референдум з питання про те, чи слід прийняти Україну до Європейського Союзу. Але я думаю, що це відбудеться в найближчому майбутньому, і я не думаю, що це відбудеться в найближчі 10 років", – підкреслив він.
Також Мадяр торкнувся питання політики уряду щодо України, пише HVG. Він заявив про те, що в Україні живе дуже багато угорців, що там є історичні угорські міста.
"Наш першочерговий інтерес полягає в тому, щоб врегулювати спірні питання", – зазначив Мадяр.