Заснавальніка Symbal.bу Паўла Белавуса перавялі ў магілёўскую турму
Паводле інфармацыі былых палітвязняў, у лютым Паўла перавялі без рэчаў і без біркі ў магілёўскую турму №4. Ёсць верагоднасць, што ў дачыненні да яго распачалі новую справу, піша «Вясна».
Павел Белавус вядомы ў Беларусі як культурніцкі менеджар, заснавальнік і былы дырэктар пляцоўкі «Арт Сядзіба». Яго затрымалі ў лістападзе 2021 году і пасля 45 дзён адміністрацыйных арыштаў завялі крымінальную справу.
Па артыкуле за «здраду дзяржаве» ён атрымаў вялікі тэрмін — 10 гадоў і штраф сумай 500 базавых адзінак (18,5 тысячы рублёў). Акрамя таго, яго прызналі вінаватым у арганізацыі групавых дзеянняў, што парушаюць грамадскі парадак, і прысудзілі за гэта тры гады калоніі. За публічныя заклікі да захопу ўлады — чатыры гады, за кіраўніцтва экстрэмісцкім фармаваннем — чатыры гады пазбаўлення волі.
Агулам лукашэнкаўскі суд прызначыў пакаранне Паўлу Белавусу ў выглядзе 13 гадоў пазбаўлення волі.
Паўлу Белавусу цяпер 38 гадоў. На волі палітвязня чакаюць жонка і двое дзяцей.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары