Украінку не пусцілі ў музей вайсковай тэхнікі ў Германіі. Высветлілася, што і беларусам уваход туды забаронены
«У сувязі з патрабаваннямі ваеннай бяспекі».
Пра непрыемную сітуацыю Аксана распавяла ў Threads.
Украінка прыехала з сям’ёй у нямецкі Кобленц, каб паказаць старэйшаму сыну Музей вайсковай тэхнікі Бундэсвера. Кажа, што хлопец вельмі цікавіцца гэтай тэмай. Тры месяцы таму яны ўжо прыязджалі сюды — ніякіх пытанняў праз грамадзянства не ўзнікала.
Але ў гэта раз чамусьці папрасілі паказаць пашпарт. Аксана, дарэчы, нядаўна атрымала нямецкае грамадзянства — але забраць пашпарт яшчэ не паспела. Таму спакойна паказала свой украінскі.
Якім жа было яе здзіўленне, калі яна пачула, што цяпер украінцам у гэты музей уваход забаронены — і не толькі ім. На афіцыйным сайце музея сапраўды пазначана: «У сувязі з патрабаваннямі ваеннай бяспекі доступ да калекцыі ў цяперашні час забаронены грамадзянам дзяржаў, пералічаных у адпаведнасці з пунктам 17 артыкула 13 Закона аб праверцы добранадзейнасці».
Усяго ў спісе 26 краін — і Беларусь таксама. Ёсць там Расія, Арменія, Азербайджан, Узбекістан, Грузія, Кітай, Малдова, Туркменістан і іншыя.
Абмежаванні пачалі дзейнічаць сёлета 3 сакавіка.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары
Мы ахвяры а не саўдзельнікі . РБ практычна апынулася ў ЭЗ аблозе. Не якіх рэсурсаў ў РБ на супраціў маскоўскай імперскай навале не было ў 2021. Мы ахвяры а не саўдзельнікі (Беларускія войскі не удзельнічалі ў вайне ніколі ) хопіць лухту "неверагодную" & ЭЗ левацкаю & імперска маскоўскую прасоўваць спадары !