Тэлеграм-канал «ОтВинта | Авиация Беларуси» паведаміў: паводле інфармацыі крыніц з авіяцыйнай сферы, у аэрапорце Віцебска пачаліся работы з самалётам Іл-62М, які раней знаходзіўся на захоўванні. Такія выкарыстоўваюць усяго некалькі авіякампаній у свеце, піша Blizko.by.
Гэты борт (рэгістрацыйны нумар EW-564TR) упершыню падняўся ў неба ў 1993 годзе незадоўга да заканчэння вытворчасці Іл-62. Незвычайная для Беларусі ліўрэя тлумачыцца яго мінулым аператарам — урадам Гамбіі (меў бартавы нумар C5-RTG). У жніўні 2021 года борт быў перагнаны праз Джэрбу (Туніс) у Віцебскі аэрапорт, дзе затым стаў на захоўванне.
Рэгістрацыйны нумар EW-564TR сведчыць пра тое, што самалёт лічыцца ў флоце беларускай грузавой авіякампаніі Rada Airlines. Яна была ўтвораная ў 2015 годзе.
Паводле звестак, гаворка ідзе менавіта пра аднаўленне борта. Самалёт плануецца выкарыстоўваць самой авіякампаніяй, а не камусьці перадаваць.
Іл-62 — надзвычай рэдкі тып самалёта ў сучаснай эксплуатацыі: у свеце засталося ўсяго некалькі бартоў, якія яшчэ лётаюць.
Сёння такія самалёты можна сустрэць літаральна ў адзінкавых аператараў:
- Air Koryo (КНДР);
- дзяржаўныя структуры Расіі;
- Rada Airlines (Беларусь).
Каментары