У Нацыянальным аэрапорце Мінск з'явяцца ўказальнікі на кітайскай мове, паведаміла БЕЛТА прэс-сакратар аэрапорта Раміна Саматханава.
Раміна Саматханова распавяла, што ў хуткім часе ў будынку аэравакзала на ўказальніках і ў іншай даведачнай інфармацыі з'явіцца трэцяя мова — кітайская (цяпер можна прачытаць патрэбную інфармацыю на рускай і англійскай).
«У апошні час у нас ідзе вельмі вялікі паток пасажыраў з Кітая. І не толькі транзітных, госці з Паднябеснай сёння ляцяць менавіта ў Беларусь. Магчыма, сваю ролю ў гэтым адыгралі будаўніцтва індустрыяльнага парка «Вялікі камень» і ў цэлым турыстычная прывабнасць нашай краіны», — адзначыла яна.
Акрамя таго, прэс-сакратар паведаміла, што аэрапорт працуе над заменай тэлескапічных трапаў. Ужо цяпер запушчаныя ў эксплуатацыю два новыя тэлетрапы. Да канца года плануецца замена яшчэ чатырох тэлескапічных трапаў і ўстаноўка аднаго дадатковага.
-
«Басейны закрытыя, на пляжы рэкамендуюць не хадзіць». Што кажуць турысты ў ААЭ і Катары
-
Статкевіч заклікаў еўрапейцаў стварыць і ўзброіць Беларускі добраахвотніцкі корпус
-
«Усю справу жыцця — усё разбурылі». Што вядома пра справу выдання «Інтэкс-Прэс», рэдактары якога атрымалі вялікія турэмныя тэрміны
Цяпер чытаюць
«Вы прыйшлі сюды лохамі, а станеце драпежнікамі». Як працуюць мінскія кол-цэнтры скамераў3
Каментары